ငဝ်းႁၢင်ႈသဵင်ၾၢႆႇတႆး BNI/SHAN TV Program, 16/06/2026ယၢမ်းလဵဝ် ၸွမ်းလႅၼ်လိၼ်တႆး−ထႆး တီႈၶူဝ်မၢႆၼိုင်ႈ ဝဵင်းတႃႈၶီႈလဵၵ်း−မႄႈသၢႆၼႆႉ ၵူၼ်းႁဵတ်းၵၢၼ်တေႃႇသူင်ႇၶူဝ်းၵုၼ်ႇၶဝ် လႆႈသႂ်ႇၶွၼ်ႇ ပၼ်ငိုၼ်းၼမ်လိူဝ်ၵူႈပွၵ်ႈ။
တီႈဝၢၼ်ႈလွႆသႅင် ဢိူင်ႇဝၢၼ်ႈပၢတ်ႇ ဝဵင်းၵႃလီႉၼႆႉ ယွၼ်ႉႁူင်းၵၢၼ်ႁုင်ၽွႆႈ ႁဵတ်းႁႂ်ႈမီးလူမ်းဝူၺ်ႇႁင်ႈ တုမ်ႉတိူဝ်ႉ လွင်ႈပၢႆးယူႇလီလႄႈ လွင်ႈယူႇသဝ်းၵိၼ်သၢင်ႈၵူၼ်းမိူင်း။
ၼႂ်းၸႄႈဝဵင်းမိူင်းယႆၼႆႉ သိုၵ်းမၢၼ်ႈလႄႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းလၢႆၸုမ်း တူင်ႉၼိုင်ၵႂႃႇမႃးယဝ်ႉ ၵႆႉၵဵပ်းသိုၵ်းမႂ်ႇ၊ ၵဵပ်းၶွၼ်ႇယွၼ်းငိုၼ်းၼမ်လႄႈ ၵူၼ်းမိူင်းၶဝ် ထူပ်းတၢင်းယၢပ်ႇၽိုတ်ႇလိူဝ်ႁႅင်း ဢဝ်လွင်ႈၸိူဝ်းၼႆႉသေ တေမႃးႁႆးငၢၼ်းၼႄပၼ်ၵႂႃႇၶႃႈဢေႃႈ။
