ငဝ်းႁၢင်ႈသဵင်ၾၢႆႇတႆး BNI/SHAN TV Program, 18/08/2026 ႁူင်းႁဵၼ်းသွၼ်လိၵ်ႈၼႂ်းၸႄႈဝဵင်းသီႇပေႃႉ တႃႇ 17 လင် ၺႃးသိုၵ်းမၢၼ်ႈ ၸီႉသင်ႇႁႂ်ႈပိၵ်ႉဢိုတ်းလႄႈ လုၵ်ႈဢွၼ်ႇၼႂ်းပိုၼ်ႉတီႈ ၶၢတ်ႇတိုဝ်ႉတၢင်းၵၢၼ်ႁဵၼ်း ဢမ်ႇယွမ်း ႁဵင်ပၢႆ။
ၼႂ်းၸႄႈဝဵင်းမိူင်းမိတ်ႈၼႆႉ သိုၵ်းမၢၼ်ႈၸႂ်ႉႁိူဝ်းမိၼ်တိုၵ်းမႃးပွႆႇမၢၵ်ႇသႂ်ႇၵူၺ်းဢမ်ႇၵႃး ႁႅၼ်းသိုၵ်းလေႃႇတိုၵ်းပႃးထႅင်ႈ။
ဝဵင်းတႃႈၶီႈလဵၵ်းၼႆႉ ပဵၼ်လႅၼ်လိၼ် တႆး−ထႆးၼႆသေတႃႉ ၵၢၼ်တေႃႉသူင်ႇၶူဝ်းၵုၼ်ႇ ဢမ်ႇမီးလွင်ႈငၢႆႈလူမ်ၸႂ်၊ ၶႅၵ်ႇတၢင်ႇဝၢၼ်ႈတၢင်ႇမိူင်းၸိူဝ်းမႃးဢႅဝ်ႇယဵမ်ႈၵေႃႈ ဢေႇလူင်း ယွၼ်ႉၼၼ် ၵၢၼ်ပၢႆးမၢၵ်ႈမီး ၵူၼ်းမိူင်းပိုၼ်ႉတီႈ ဢမ်ႇပဵၼ်ၵၢၼ်မိူၼ်ၵူႈပွၵ်ႈ ဢဝ်လွင်ႈၸိူဝ်းၼႆႉသေ တေမႃးႁၢႆးငၢၼ်းၼႄပၼ်ၵႂႃႇၶႃႈဢေႃႈ။
