ငဝ်းႁၢင်ႈသဵင်ၾၢႆႇတႆး BNI/SHAN TV Program, 21/07/2026 သိုၵ်းမၢၼ်ႈဢၢၼ်းလႆႈၶိုၼ်း ဝဵင်းဢၼ်သုမ်းပၢင်တိုၵ်းၸိူဝ်းၼၼ်ႉသေ သိုပ်ႇမၵ်းမၼ်ႈ ပိူင်ၽွင်းငမ်းသိုၵ်း ဝဵင်းဢၼ်ပိုၼ်ၽၢဝ်ႇ ငဝ်းလၢႆးၶိုၵ်ႉၶၢၵ်ႉၸိူဝ်းၼၼ်ႉ တႃႇၶၢဝ်းတၢင်း 90 ဝၼ်း။ ၼႆႉလႆႈတၢင်ႇယိုၼ်ႈဝႆႉ ၼႂ်းပၢင်ၵုမ်လူင် သၽႃးမိူင်းႁူမ်ႈတုမ်ဝႆႉ။
ၸွမ်းထုင်ႉၼွင်ႁၢႆးယႃႈၸိူဝ်း မူၸပ်းတၢင်းပဵၼ်ၼမ်လႄႈ ၵူၼ်းဝၢၼ်ႈ ၸိူဝ်းလဵင်ႉမူၶဝ် သုမ်းတိုၼ်းလၢင်း။ လိူဝ်ၼၼ်ႉ လႆႈမႆႈၸႂ် ၵူဝ်တၢင်းပဵၼ်ၽႄႈလၢမ်း ပႃးထႅင်ႈ။
တီႈလႅၼ်လိၼ်တႆး−ထႆး ဝဵင်းတႃႈၶီႈလဵၵ်းၼႆႉ ၵၢၼ်ပၢႆးမၢၵ်ႈမီးၵူၼ်းမိူင်း ဢမ်ႇပဵၼ်ၵၢၼ် ယၢမ်းလဵဝ်သမ်ႉ တႃႇတေလႆႈသိုဝ်ႉသႂ်ႇၼမ်ႉမၼ်းၸၢၵ်ႈၵေႃႈ မီးလွင်ႈတတ်းမၵ်းသေၶၢႆလႄႈ ပဵၼ်လွင်ႈယၢပ်ႇၽိုတ်ႇၵူၼ်းမိူင်း ဢဝ်လွင်ႈၸိူဝ်းၼႆႉသေ တေမႃးႁၢႆးငၢၼ်းၼႄပၼ်ၵႂႃႇၶႃႈဢေႃႈ။
