ငဝ်းႁၢင်ႈသဵင်ၾၢႆႇတႆး BNI/SHAN TV Program, 09/06/2026 ႁူင်းဝႆႉယၢမ်း ၸုမ်းသိုၵ်းတဢၢင်း TNLA တီႈဝၢၼ်ႈၵွင်းတပ်ႉ ၸႄႈဝဵင်းၼမ်ႉၶမ်း တႅၵ်ႇၽူင်ႉႁၢဝ်ႈႁႅင်းလႄႈ ၵူၼ်းမိူင်းမၢတ်ႇၸဵပ်း လူႉယႂ်ႇတၢႆၼမ်။ တေႃႇထိုင်ယၢမ်းလဵဝ် တိုၵ်ႉလူဝ်ႇတၢင်းၸွႆႈထႅမ် တႃႇယူတ်းယႃလႄႈ တႃႇပူၵ်းပွင်ၶိုၼ်း။
တီႈႁူင်းႁဵၼ်းပရႁိတလွႆလွမ်ႉ ၸႄႈဝဵင်းတၢင်ႉယၢၼ်းၼႆႉ ယၢမ်းလဵဝ် မီးလုၵ်ႈႁဵၼ်းၼမ်ၶိုၼ်ႈမႃးလိူဝ်ၵူႈပီ။ ယွၼ်ႉၼၼ် တႃႇႁွင်ႈၼွၼ်း၊ ႁွင်ႈႁဵၼ်းၸိူဝ်းၼႆႉ ပဵၼ်လွင်ႈယၢပ်ႇၽိုတ်ႇမႃးတင်းၼမ်လႄႈ လူဝ်ႇတၢင်းၸွႆႈထႅမ်။
ၼႂ်းၶၢဝ်းတၢင်း 2 ပီၼႆႉ ၼမ်ႉထူမ်ႈထပ်းၵၼ်လႄႈ ယၢမ်းလဵဝ်ထိုင်ၶၢဝ်းၽုၵ်ႇသွမ်ႈယဝ်ႉသေတႃႉ ၸဝ်ႈၼႃးၼႂ်းထုင်ႉပူင်း လႆႈပွႆႇတူင်ႈၼႃးႁၢမ်းလၢႆသေ ဢမ်ႇၸၢင်ႈၽုၵ်ႇသွမ်ႈၼႆႉ မီးဢမ်ႇယွမ်း 3 ႁဵင်ဢေႊၶိူဝ်ႊ ဢဝ်လွင်ႈၸိူဝ်းၼႆႉသေ တေမႃးႁႆးငၢၼ်းၼႄပၼ်ၵႂႃႇၶႃႈဢေႃႈ။
