ငဝ်းႁၢင်ႈသဵင်ၾၢႆႇတႆး BNI/SHAN TV Program, 18/08/2026 ၼႂ်းမိူင်းတႆးၼႆႉ ၸုမ်းယိပ်းၵွင်ႈၵၢင်ႇလၢႆၸုမ်း ၶႂၢၵ်ႈၵၢၼ်ၶုတ်းႁႄႈလိၼ်ၼမ်ၶိုၼ်ႈမႃးၵူႈဝၼ်းၼႆ ၽူႈလဵပ်ႈႁဵၼ်း ၵၢၼ်ထိင်းသိမ်းၾိင်ႈတိုၼ်းသၽႃႇဝၶဝ် တူၵ်ႇလၢတ်ႈဝႆႉၶႃႈဢေႃႈ။
ၼႂ်းထုင်ႉပူင်း ၽွင်းၶၢဝ်းၵူၼ်းဝၢၼ်ႈၵူၼ်းမိူင်း ၸူမ်းသိူဝ်းပၢတ်ႇၶဝ်ႈပီၼႆႉ ၾူၼ်တူၵ်းထပ်းၵၼ်လၢႆဝၼ်း ၼမ်ႉလုပ်ႇၼွင်းထူမ်ႈႁႅင်းလႄႈ ၸဝ်ႈၼႃးၶဝ်မႆႈၸႂ် ၵူဝ်ဢမ်ႇလႆႈ ပၢတ်ႇၶဝ်ႈၶိုတ်းတၼ်း။
တႃႇၶၢမ်ႈၶူဝ်လႅၼ်လိၼ်တႆး−ထႆး တီႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်းၼႆႉ ပေႃးပဵၼ်ၵူၼ်းမိူင်း ႁူမ်ႈတုမ် တေၶၢမ်ႈၵႂႃႇၾင်ႇထႆးၸိုင် ၽူႈႁၢပ်ႇၵၢၼ် ႁွင်ႈၵၢၼ်ၵူတ်ႇထတ်းၵူၼ်းၶဝ်ႈမိူင်း ၵဵပ်းငိုၼ်းၼမ်လိူဝ် ပၵ်းပိူင်ဢၼ်တတ်းမၵ်းဝႆႉ ဢဝ်လွင်ႈၸိူဝ်းၼႆႉသေ တေမႃးႁၢႆးငၢၼ်းၼႄပၼ်ၵႂႃႇၶႃႈဢေႃႈ။
