မၢၵ်ႇမိုဝ်ႈၸိုၼ်းယမ်းဢၼ်ပႆႇတႅၵ်ႇသေ ၵိုတ်းၶၢင်ႉၽွင်းပၢင်တိုၵ်း မီးဝႆႉၼႂ်းသူၼ်ၼႂ်းႁႆႈတင်းၼမ်

ငဝ်းႁၢင်ႈသဵင်ၾၢႆႇတႆး BNI/SHAN TV Program, 16/12/2025 • ၼႂ်းၸႄႈဝဵင်းၵျွၵ်ႉမႄးၼႆႉ မၢၵ်ႇမိုဝ်ႈၸိုၼ်းယမ်းဢၼ်ပႆႇတႅၵ်ႇသေ ၵိုတ်းၶၢင်ႉၽွင်းပၢင်တိုၵ်း မီးဝႆႉၼႂ်းသူၼ်ၼႂ်းႁႆႈတင်းၼမ်လႄႈ ၵူၼ်းမိူင်းထူပ်းတၢင်းယၢပ်ႇ တႃႇဢဝ်ၶူဝ်းသူၼ်။ • ႁၢၼ်ႉတၢင်းၶၢႆ ဢၼ်မီးၼႂ်းၵႄႈဝဵင်းလႃႈသဵဝ်ႈတင်းဝဵင်းမိူင်းယႆၼႆႉ သိုၵ်းၵဝ်ႈၵၢင်ႉ MNDAA တေၵဵပ်းၶွၼ်ႇတႃႇပီ 2026 ၼႆသေ ယၢမ်းလဵဝ် ၾၢႆႇၵဵပ်းၶွၼ်ႇၶဝ် မႃးတႅၵ်ႈတီႈလိၼ်ဝႆႉ။ • တီႈၵဵတ်ႉလၢၼ်ႇဝဵင်းမိူင်းပွၼ်ၼႆႉ သိုၵ်းမၢၼ်ႈၶဝ် ၸႂ်ႉဢဝ်လူင်းၶူဝ်းၵုၼ်ႇ ဢၼ်တၢင်ႇမႃးၸွမ်း ၵႃးလူင်ၸိူဝ်းၼႆႉသေ ၵူတ်ႇထတ်းၶူဝ်းၵုၼ်ႇၵူႈဢၼ်ၵူႈသႅၼ်း ဢဝ်လွင်ႈၸိူဝ်းၼႆႉသေ တေမႃးႁႆးငၢၼ်းၼႄပၼ်ၵႂႃႇၶႃႈဢေႃႈ။