ငဝ်းလၢႆးၵၢၼ်သိုၵ်းဢမ်ႇၼိမ်သဝ်းသေတႃႉ သိုၵ်းမၢၼ်ႈတေပိုတ်ႇၶိုၼ်း ၸၼ်ႉၸွမ်လႃႈသဵဝ်ႈ

ငဝ်းႁၢင်ႈသဵင်ၾၢႆႇတႆး BNI/SHAN TV Program, 25/11/2025 • ငဝ်းလၢႆးၵၢၼ်သိုၵ်းဢမ်ႇၼိမ်သဝ်းသေတႃႉ သိုၵ်းမၢၼ်ႈတေပိုတ်ႇၶိုၼ်း ၸၼ်ႉၸွမ်လႃႈသဵဝ်ႈ။ • သိုၵ်းမၢၼ်ႈတင်း သိုၵ်းၵဝ်ႈၵၢင်ႉ MNDAA တိုၵ်ႉသိုပ်ႇၶဵင်ႇၵၼ်ပိၵ်ႉဢိုတ်း သဵၼ်ႈတၢင်းၼႂ်းမိူင်းတႆးပွတ်းႁွင်ႇ လၢႆသဵၼ်ႈလႄႈ ၵူၼ်းမိူင်းၸိူဝ်းၸႂ်ႉသဵၼ်ႈတၢင်းထူပ်းတၢင်းယၢပ်ႇ။ • တီႈဝဵင်းမိူင်းၼၢႆးၼႆႉ ၾူၼ်တူၵ်းထပ်းၵၼ်လၢႆဝၼ်းလႄႈၶဝ်ႈၼႂ်းၼႃးဢွၵ်ႇငူင်း၊ သိုၵ်းမၢၼ်ႈသမ်ႉ ႁေႉႁၢမ်ႈဢမ်ႇပၼ်တေႃႉၶဝ်ႈသၢၼ်ၵႃႉၶၢႆတၢင်ႇတီႈတၢင်ႇဝဵင်းလႄႈ ၸဝ်ႈၼႃးၶဝ် ထူပ်းတၢင်းယၢပ်ႇ ဢဝ်လွင်ႈၸိူဝ်းၼႆႉသေ တေမႃးႁၢႆးငၢၼ်းၼႄပၼ်ၵႂႃႇၶႃႈဢေႃႈ။