ငဝ်းႁၢင်ႈသဵင်ၾၢႆႇတႆး BNI/SHAN TV Program, 21/04/2026

ငဝ်းႁၢင်ႈသဵင်ၾၢႆႇတႆး BNI/SHAN TV Program, 21/04/2026 • ၸွမ်းပိုၼ်ႉတီႈဢၼ်ယၢမ်ႈပဵၼ်ပၢင်တိုၵ်း ၼႂ်းမိူင်းတႆးပွတ်းႁွင်ႇလၢႆတီႈ မၢၵ်ႇမႅင်းၾင်လိၼ်၊ မၢၵ်ႇမိုဝ်ႈၸိုၼ်းယမ်းၸိူဝ်းၼႆႉၵိုတ်းၶင်ႉဝႆႉတင်းၼမ်။ • ၼႂ်းၸႄႈဝဵင်းတႃႈၶီႈလဵၵ်းၼႆႉ သိုၵ်းမၢၼ်ႈတင်းၾၢႆႇၽွင်းငမ်း ႁႃတီႉၺွပ်းလႆႈ ၵူၼ်းႁဵတ်းၵၢၼ်ၵျႃႊၽျႅၼ်ႉသေတႃႉ ၽူႈမီးပုၼ်ႈၽွၼ်းၵမ်ႈၽွင်ႈ ၵိၼ်သူးၵိၼ်လၢပ်ႈဝႆႉလႄႈ ဢမ်ႇတီႉၺွပ်းလႆႈ ၵူၼ်းယူႇၾၢႆႇလင်ၽႅၼ်ၵၢၼ်ၵျႃႊၽျႅၼ်ႉ။ • ၽွင်းငဝ်းလၢႆးဝၢၼ်ႈမိူင်းသုၵ်ႉယုင်ႈ ယႃႈမဝ်းၵမ်လိူင်ႇၽႄႈၼမ်ၼႆႉ တႃႇၵူၼ်းၼုမ်ႇၶဝ် တေၵၢင်းယၢၼ်ယႃႈမဝ်းၵမ်ၼၼ်ႉ လၢႆးတၢင်းဢၼ်ၼိုင်ႈၵေႃႈ ပဵၼ်ၵၢၼ်လဵၼ်ႈႁႅင်း။ ၼႂ်းၼၼ်ႉ ၵူၼ်းၼုမ်ႇၸိူဝ်းသူင် ပၼ်ႇရူတ်ႉထိပ်ႇၶဝ် မီးယိူင်းဢၢၼ်းၸိူင်ႉႁိုဝ် ယွၼ်ႉသင် ဢဝ်လွင်ႈၸိူဝ်းၼႆႉသေ တေမႃးႁၢႆးငၢၼ်းၼႄပၼ်ၵႂႃႇၶႃႈဢေႃႈ။