သိုၵ်းမၢၼ်ႈၵႆႉၸႂ်ႉႁိူဝ်းမိၼ်တိုၵ်း Jet fighter ပွႆႇမၢၵ်ႇသႂ်ႇ ၸွမ်းပိုၼ်ႉတီႈ တီႈဝဵင်းၼွင်ၶဵဝ်

• တီႈဝဵင်းၼွင်ၶဵဝ်ၼႆႉ သိုၵ်းမၢၼ်ႈၵႆႉၸႂ်ႉႁိူဝ်းမိၼ်တိုၵ်း Jet fighter ပွႆႇမၢၵ်ႇသႂ်ႇ ၸွမ်းပိုၼ်ႉတီႈ ၼႂ်းဝဵင်းၼႂ်းဝၢၼ်ႈလႄႈ ၵူၼ်းမိူင်းလူႉတၢႆမၢတ်ႇၸဵပ်းၼမ်ၼႆၶႃႈ။ • သိုၵ်းမၢၼ်ႈတင်း ၸုမ်းပျီႇတူႉၸိတ်ႉပဢူဝ်း PNO တင်ႈၵဵတ်ႉလၢၼ်ႇ ၵူတ်ႇထတ်းၸႅတ်ႈထၢမ် ၵူၼ်းဝၢၼ်ႈၵူၼ်းမိူင်းႁၢဝ်ႈႁႅင်း ၼႂ်းၵႄႈ ဝဵင်းၾၢႆၶုၼ်လႄႈဝဵင်းပၢင်လွင်း။ • ၵၢတ်ႇၵၢင်ၶမ်ႈ တီႈဝဵင်းတႃႈၶီႈလဵၵ်း ဢမ်ႇမီးၵူၼ်းမႃးသိုဝ်ႉၸၢႆႇၼမ်လႄႈ ၸဝ်ႈႁၢၼ်ႉၶဝ်ထူပ်းတၢင်းယၢပ်ႇ ၽိုတ်ႇၸိူင်ႉႁိုဝ်ၼႆ ႁဝ်းၶႃႈ တေမႃးႁၢႆးၵၢၼ်ၼႄပၼ်ၵႂႃႇၶႃႈဢေႃႈ။